अखेर वाल्मिक कराडवर मकोका!

न्यायालयाकडून १४ दिवसांची न्यायालयीन कोठडी
बीड : वाल्मिक कराडवर मकोका अंतर्गत गुन्हा दाखल करण्यात आला आहे. मकोका लावल्यानंतर सीआयडी कोठडीची मागणी करणार आहे. सरपंच संतोष देशमुख्य यांच्या हत्येप्रकरणात वाल्मिक कराडवर हत्येच्या कटात सहभागी असल्याचा आरोप करण्यात आला आहे. याप्रकरणी हा मकोका लावण्यात आला आहे. संतोष देशमुख यांच्या कुटुंबीयांसह, गावकऱ्यांचीही वाल्मिक कराडवर मकोका लावण्याची मागणी होती. मंगळवारी वाल्मीक कराडला केज न्यायालयासमोर हजर करण्यात आलं होतं. दोन्ही पक्षाकडून युक्तीवाद सुरू होता. त्यानंतर आता त्याच्यावर मकोका लावण्यात आला आहे. तसंच १४ दिवसांची न्यायालयीन कोठडी सुनावण्यात आली आहे.
आम्हाला केवळ न्याय हवा , संतोष देशमुखांच्या भावाची प्रतिक्रिया
आमची प्रमुख मागणी होती, जे या क्रूर हत्याकांडात होते, कोणीही यात सहभागी असूद्या, ज्यांनी संतोष देशमुख यांची हत्या केली, संघटित गुन्हेगारीतून हत्या घडली, त्यात कोणाचीही नावं असूद्या त्या सर्वांवर मकोका आणि ३०२ गुन्हा दाखल करण्यात यावा. या हत्येतील सर्वांना शिक्षा व्हावी अशी आमची मागणी आहे. आमचा पोलीस प्रशासन, मुख्यमंत्र्यांवर विश्वास आहे. आम्हाला केवळ न्याय हवा आहे. तपास चांगला व्हावा इतकीच आमची मागणी आहे’, असं संतोष देशमुख यांच्या भावाने धनंजय देशमुख यांनी प्रतिक्रिया दिली आहे.

वाल्मिक कराडचे वकील सिद्धेश्वर ठोंबरे काय म्हणाले?
कोर्टापुढे युक्तीवाद झाला. त्यांनी १० दिवसांची पोलीस कस्टडी मागितली होती. त्यामध्ये त्यांनी १० मुद्दे घेत त्यांनी या १० मुद्द्यांवर पोलीस कोठडी मागितली होती. त्यावर ३१ डिसेंबरला १५ दिवसांची पोलीस कस्टडी दिली होती. त्यापैकी पुन्हा तेच १० मुद्दे सांगत त्यांनी इतर गुन्ह्यात तपास करायचा आहे, प्रॉपर्टी चेक करायची असं सांगितलं होतं. त्यामुळे कोर्टाने आज दोन्ही सरकारी वकील आणि आमचा युक्तीवाद ऐकला आणि कोर्टाने त्यांचा पोलीस कस्टडी मागण्याचा अर्ज फेटाळला आहे. तसंच मॅजेस्टिक कस्टडी दिली आहे.