पक्ष संघटनेचे काम करणाऱ्या इच्छुकांना लाभाची पदे : शत्रुघ्न काटे

पिंपरी : पिंपरी चिंचवड भारतीय जनता पार्टीच्या प्रदेश व जिल्हा पदाधिकारी व नगरसेवक यांची महत्त्वाची बैठक संपन्न झाली. या बैठकीत गेल्या दोन महिन्यात झालेल्या कार्यक्रमांचा आढावा शहराध्यक्ष शत्रुघ्न काटे यांनी घेतला .पक्षाचे कार्यक्रम यशस्वीपणे राबवण्याबरोबरच त्याचे संघटनेत मोठे सकारात्मक बदल करण्याच्या दृष्टीने कठोर पावले उचलण्याचे संकेत काटे यांनी बैठकीत दिले .

गेल्या चार दिवसात जिल्हा समिती गठित करण्यासाठी त्यांनी 300 पेक्षा जास्त कार्यकर्त्यांच्या समक्ष मुलाखती घेतल्या आणि त्यांचे म्हणणे ऐकून घेतले .त्यामुळे या बैठकीत त्यांनी स्पष्ट केले की लाभाची पदे घेणाऱ्या पण संघटनेच्या कामात न येणाऱ्या सर्व कार्यकर्त्यांचे कान टोचले. जे कार्यकर्ते पक्ष संघटनेचे प्रामाणिकपणे कार्य करतात व ज्यांनी पक्ष संघटनेत काम करण्यासाठी इच्छा व्यक्त केली ,त्याच कार्यकर्त्यांना जिल्हा समितीत प्राधान्य दिले जाणार आहे .

तसेच जे नगरसेवक यांना लाभाची पदे मिळाली आहेत, किंवा जे इच्छुक उमेदवार आहेत, त्यांनी जर पक्ष संघटनेचे काम केले तरच त्यांचा पदासाठी किंवा उमेदवारीसाठी विचार केला जाणार आहे. जे संघटनेचे काम करणार नाहीत व उमेदवारी आणि पदाकरिता पुढे पुढे करतील त्यांची सर्व माहिती पक्षश्रेष्ठींना कळविली जाईल असा इशारा दिला. त्यामुळे भविष्यात ज्यांना उमेदवारी पाहिजे किंवा लाभाची पदे हवी असतील, त्यांनी पक्ष संघटनेत काम करावे लागेल असे आवाहन केले आहे. संघटनेत काम करताना रिझल्ट देखील द्यावा लागेल तरच त्यांचा विचार केला जाईल असे शत्रुघ्न काटे यांनी स्पष्ट केले