श्री स्वामी समर्थ सेवा प्रतिष्ठानच्या वतीने नवदुर्गा 2025 पुरस्काराचे वितरण!

  पिंपरी : श्री स्वामी समर्थ सेवा प्रतिष्ठान शिवतेज नगरच्या वतीने नवरात्रीच्या निमित्ताने समाजामध्ये विविध क्षेत्रांमध्ये उल्लेखनीय कार्य केलेल्या महिला भगिनींना नवदुर्गा पुरस्काराने सन्मानित करण्यात आले. नवदुर्गांना पुरस्कार विधान परिषदेच्या आमदार सौ. उमाताई खापरे , योगगुरु सौ. शैलेजा भाले, गायत्री माँ व डॉ. प्राजक्ता रोहमारे यांच्या हस्ते देऊन सन्मानीत करण्यात आले .

सामाजिक वैधकीय, कला, क्रीडा, सहकार, व्यवसाय, शासकीय, शैक्षणिक, धार्मिक इत्यादी क्षेत्रात उल्लेखनीय कार्य केल्याबद्दल या नवदुर्गांना सन्मानित करण्यात आले. कार्यक्रमाचे आयोजन श्री स्वामी समर्थ सेवा प्रतिष्ठानचे संस्थापक अध्यक्ष नगरसेवक नारायण बहिरवाडे यांनी केले.

आमदार उमाताई खापरे या वेळी म्हणाल्या, कर्तुत्वान महिलांची दखल घेऊन त्यांना पुरस्कार दिल्याबद्दल प्रतिष्ठानचे त्यांनी कौतुक केले. यामुळे या महिला अधिक चांगल्या पद्धतीने काम करतील. याप्रसंगी नगरसेविका सौ. योगिता नागरगोजे, जेष्ठ नागरिक संघाचे अध्यक्ष प्रा. हरि नारायण शेळके काका, महिला मंडळाच्या अध्यक्षा स्नेहा गुणवंत, उपस्थित होत्या. कार्यक्रमाचे प्रास्ताविक कार्याध्यक्ष्या सारिका रिकामे यांनी केले. सूत्रसंचालन तेजस्विनी बडे यांनी केले तर आभार प्रदर्शन प्रा. हरिनारायण शेळके यांनी केले.