गुरुवार ३ एप्रिल रोजी पिंपरी चिंचवड शहराचा संध्याकाळचा पाणीपुरवठा राहणार बंद !
पिंपरी : पिंपरी चिंचवड महापालिकेच्या पाणीपुरवठा विभागाकडील जलशुद्धिकरण केंद्र व क्षेत्रिय स्तरावरील पाणीपुरवठा व विद्युत विषयक दुरुस्तीची विविध कामे करावयाची असल्यामुळे गुरुवार दि. ०३ एप्रिल रोजी पिंपरी चिंचवड शहराचा सकाळचा पाणीपुरवठा नियमित वेळेनुसार होणार असून संध्याकाळचा पाणीपुरवठा बंद राहणार आहे.
पाणीपुरवठा व विद्युत विषयक देखभाल दुरुस्तीची कामे करणेसाठी सर्व पाणीपुरवठ्याची यंत्रणा बंद ठेवणार असल्याने शहरातील सर्व भागात दुसऱ्या दिवशी म्हणजेच शुक्रवार दि. ४ एप्रिल रोजी होणारा सकाळचा पाणीपुरवठा अनियमित व कमी दाबाने होईल.
तरी नागरिकांनी मनपाकडील उपलब्ध पाण्याचा पुरेसा साठा करुन काटकसरीने पाण्याचा वापर करून महापालिकेस सहकार्य करावे, अशी विनंती पिंपरी चिंचवड महानगरपालिकेच्या पाणीपुरवठा विभागाकडून करण्यात आले.
