बुधवार 9 एप्रिल रोजी भारतासह अन्य 108 देशात विश्व नवकार महामंत्र जप!

या कार्यक्रमात ऑनलाईन पद्धतीने पंतप्रधान नरेंद्र मोदी होणार सहभागी
पिंपरी : जैन समाजाची जैन इंटरनॅशनल ट्रेड ऑर्गनायझेशन ही आंतरराष्ट्रीय पातळीवर काम करणारी संस्था आहे. या संस्थेच्या वतीने बुधवार 9 एप्रिल रोजी भारतासह अन्य 108 देशात विश्व नवकार महामंत्र दिवस साजरा करण्यात येणार आहे. या कार्यक्रमात ऑनलाईन पद्धतीने पंतप्रधान नरेंद्र मोदी सकाळी आठ वाजता उपस्थित राहून मार्गदर्शन करणार आहेत. या कार्यक्रमाचे थेट प्रक्षेपण पिंपरी चिंचवड परिसरात परिसरातील नागरिकांना पाहता यावे व या कार्यक्रमात सहभागी होता यावे यासाठी चिंचवड गावातील श्री फत्तेचंद जैन विद्यालययाच्या प्रांगणात कार्यक्रमास सुरुवात होणार आहे. जितो चिंचवड पिंपरी चॅप्टर फाउंडेशन च्या वतीने आयोजन करण्यात आले आहे, अशी माहिती झोन चेअरमन राजेंद्र जैन यांनी प्रसिद्धी पत्रकाद्वारे दिली आहे.

साडेसात वाजता साधू आणि साध्वींचे मार्गदर्शन होणार आहे. पंतप्रधान मोदी आठ वाजता ऑनलाईन पद्धतीने सहभाग घेऊन मार्गदर्शन करणार आहेत. बुधवारी सकाळी सात वाजता फत्तेचंद जैन विद्यालय येथे या कार्यक्रमास विधानसभेचे उपाध्यक्ष अण्णा बनसोडे , खासदार श्रीरंग बारणे ,खासदार अमोल कोल्हे ,आमदार शंकर जगताप ,आमदार महेश लांडगे, आमदार आमदार उमा खापरे , आमदार अमित गोरखे, पिंपरी चिंचवड महापालिका आयुक्त शेखर सिंह, पोलिस आयुक्त विनय कुमार चौबे आजी-माजी नगरसेवक तसेच शहरातील विविध क्षेत्रातील प्रमुख मान्यवर उपस्थित राहणार आहेत. कार्यक्रमाच्या समारोपप्रसंगी जितो चिंचवड पिंपरी चॅप्टरचे प्रमुख मार्गदर्शन करतील अशी माहिती जितूचे चिंचवड पिंपरी अध्यक्ष आनंद मुथा, महिला विभाग अध्यक्ष पूनम बंब, युवा विभाग अध्यक्ष सौरभ वेदमूथा, मुख्य सचिव तुषार लुनावत ,मीना ताटिया ,अनुज चोपडा यांनी प्रसिद्धीपत्रक दिले आहे तुषार लुनावत