निलेश घायवळच्या अडचणी वाढल्या!
पुणे : कुख्यात गुंड निलेश घायवळ याचा पासपोर्ट प्रदेश कार्यालयातून रद्द झाल्याची ऑर्डर जारी झाली आहे. पुणे पोलिसांनी काही दिवसापूर्वीच न्यायालयात तसेच पासपोर्ट प्रादेशिक कार्यालयात याबाबत अहवाल सादर केला होता .पासपोर्ट रद्द झाल्याने निलेश घायवळच्या अडचणीत वाढ झालीआहे.
पुण्यातील कोथरूड मधील गोळीबारानंतर कुख्यात गुंड निलेश घायवळ चर्चेत आला होता. त्यावेळी तपासामध्ये पोलिसांना चकवा देऊन घायवळ परदेशात पळून गेला .विशेष म्हणजे त्याच्यावर गंभीर गुन्हे दाखल असताना त्याला पासपोर्ट कसा मिळाला याविषयी पोलीस प्रशासनावरच ताशेरे ओढले जात होते .अहिल्यानगर मधील आपल्या गावच्या पत्त्यावर त्याने पासपोर्ट काढला असल्याचे चौकशीत समोर आले. पासपोर्ट साठी त्याने आपल्या आडनावात देखील बदल केला होता .त्याने दाखल केलेल्या गायवळ नावावर कोणतेही गुन्हेगारी कृत्य नोंद नसल्याने पोलिसांनी त्याला पासपोर्टसाठी एनओसी दिली. तसेच पासपोर्ट ऑफिसला आपल्यावर गुन्हा दाखल नसल्याचे खोटे प्रतिज्ञापत्र देखील दाखल केले होते .
घायवळ चा पासपोर्ट रद्द करण्याचे आदेश पुणे पोलीस आयुक्त यांनी दिले आहेत. निलेश घायवळ याने पासपोर्टसाठी खोटी कागदपत्रे तयार केली .पोलिसांना ऑनलाइन मध्ये घायवळच्या नावावर अनेक गुन्हे दाखल असल्याची माहिती मिळाली नाही. त्यामुळे पोलीस आयुक्त अमितेश कुमार यांनी घायवळ यांची बँक खाती देखील गोठवण्याचा निर्णय घेतला.
