आमदार अमित गोरखे यांच्या अभीष्टचिंतन सोहळ्यासह भव्य पुस्तक प्रदर्शन!
पिंपरी : युवा आमदार अमित गोरखे यांच्या वाढदिवसाचे औचित्य साधून पिंपरी-चिंचवड शहरामध्ये साहित्य उपक्रमाचे आयोजन करण्यात आले आहे. या उपक्रमांतर्गत ४ ते ६ नोव्हेंबर या कालावधीत भव्य पुस्तक प्रदर्शन भरवले जाणार आहे. हे प्रदर्शन नोव्हेल इंटरनॅशनल स्कूल, थरमॅक्स चौक, चिंचवड येथे होणार असून, साहित्यप्रेमींसाठी ही एक पर्वणीच ठरणार आहे.
यासोबतच, आमदार अमित गोरखे यांचा अभीष्टचिंतन सोहळा ४ नोव्हेंबर रोजी सायंकाळी ५:०० वाजता राजर्षी शाहू क्रीडांगण येथे आयोजित करण्यात आला आहे. यानिमित्त अनेक मान्यवर उपस्थित राहणार आहे. तीन दिवसीय चालणारे हे प्रदर्शन दररोज सकाळी १०:०० ते सायंकाळी ८:३० वाजेपर्यंत सुरू राहील,
यामध्ये सर्व प्रकारची पुस्तके उपलब्ध असणार आहेत, जसे की कवितासंग्रह आणि कादंबरी यांसारख्या लोकप्रिय साहित्यासह विविध विषयांवरील पुस्तके एकाच छताखाली वाचकांसाठी उपलब्ध असतील.
या पुस्तक प्रदर्शनामध्ये लाखो पुस्तके वाचकांसाठी उपलब्ध असून, आयोजकांनी शहरवासीय आणि वाचनप्रेमी नागरिकांना आवाहन केले आहे की या तीन दिवस चालणाऱ्या भव्य पुस्तक प्रदर्शनात जास्तीत जास्त संख्येने सहभागी होऊन शहराची वाचनसंस्कृती जपणारी आणि समृद्ध करणारी नवी ओळख निर्माण करावी.
