जॉब देण्याच्या बहाण्याने सहा लाख 87 हजार रुपयांची फसवणूक!
पिंपरी : चांगला जॉब मिळवून देऊ त्यासाठी रजिस्ट्रेशन करा असे सांगून वेगवेगळ्या कारणाद्वारे 3 जानेवारी 2026 पर्यंत 6 लाख 87 हजार 984 रुपये घेऊन फसवणूक केली. ही घटना सात एप्रिल 2025 ते 3 जानेवारी 2026 पर्यंत ऑनलाईन एफ 907, आयट्रेट होम्स हिंजवडी, फेज टू माण येथे घडली.
या प्रकरणी लक्ष्मीकांत सुधाकर अनजनकर (वय 36, आय ट्रेड होम हिंजवडी, फेज नंबर दोन, माण, मुळगाव- फ्लॅट नंबर 58, गणेश कॉलनी, प्रताप नगर, नागपूर) यांनी हिंजवडी पोलीस ठाण्यात फिर्याद दाखल केली आहे. आपका वर्क व डोले इंडिया या नावाचे कन्सल्टिंग ई-मेल आयडी अज्ञात व्यक्ती व बँक खातेदार यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार फिर्यादीला मेल आयडी करून सांगितले की, तुम्हाला आमच्या आपका वर्क कन्सल्टिंग व डोले इंडिया यामधून चांगला जॉब मिळवून देऊ. त्यासाठी रजिस्ट्रेशन करावे लागेल असे सांगून त्यांनी वेगवेगळी कारणे सांगून 3 जानेवारी 2026 पर्यंत सहा लाख 87 हजार 984 घेतले.मात्र आरोपींनी जाब बाबत फिर्यादीस जबाब न दिल्यामुळे फिर्यादीने वारंवार मेल व फोन करून सुद्धा आरोपींनी फिर्यादीला जॉब न दिल्यामुळे फिर्यादीची खात्री झाली की मला फसवण्यात आले आहे. जॉब देण्याच्या बहाण्याने फिर्यादी कडून बँक खात्यावर पैसे घेऊन फिर्यादीची फसवणूक केली. हिंजवडी पोलीस ठाण्याचे पोलीस उपनिरीक्षक पाटील तपास करत आहेत.
