महाराष्ट्रात इलेक्ट्रिक वाहने टॅक्स फ्री?, मुख्यमंत्र्‍यांचे विधानसभेत सूतोवाच!
पर्यावरणाची चर्चा सुरू असताना मुख्यमंत्री देवेंद्र फडणवीस यांनी यासंदर्भात माहिती दिली.
मुंबई : इंधनाचे वाढते दर आणि पर्यावरणाची होणारी हानी लक्षात घेऊन शासनातर्फे ईव्ही म्हणजेच ईलेक्ट्रिकल व्हेईकल्सला (EV) प्राधान्य दिले जात आहेत. नागरिकांनी, ग्राहकांनी अधिकाधिक ईव्ही खरेदी करावी यासाठी ईलेक्ट्रीक वाहनांवर सबशिडीही देण्यात येत आहे. त्यातच, राज्याचे मुख्यमंत्री देवेंद्र फडणवीस यांनी आता महाराष्ट्रात ईलेक्ट्रीक वाहने करमुक्त करण्याची घोषणाच विधानसभेत केली आहे. पर्यावरणाच्या संदर्भात शिवसेना युबीटीचे आमदार अनिल परब यांनी सभागृहात उपस्थित केलेल्या प्रश्नावर मुख्यमंत्र्यानी उत्तर दिले. तसेच, राज्यातील सर्वच मंत्र्‍यांच्या आणि सरकारी कार्यालयाच्या गाड्याही ईलेक्ट्रिक असणार असल्याचे त्यांनी सांगितले.
विधिमंडळ सभागृहात पर्यावरणाची संबंधित चर्चा सुरू असताना मुख्यमंत्री देवेंद्र फडणवीस यांनी यासंदर्भात माहिती दिली. त्यावेळी, सत्ताधारी व विरोधकांमध्ये जुगलबंदीही पाहायला मिळाली.
30 लाखांपर्यंतच्या गाड्यांना टॅक्स नाही
महाराष्ट्रात इलेक्ट्रिक वाहने करमुक्त होणार असल्याची घोषणाच मुख्यमंत्री देवेंद्र फडणवीस यांनी विधान परिषदेत केली आहे. आपण इलेक्ट्रिक व्हेईकल बाबत आधी टॅक्स लावला नाही. 30 लाखांपर्यंतच्या गाड्यांना टॅक्स नाही, त्यावर 6 टक्के कर लावतोय. इलेक्ट्रिक वाहनांवरील तो टॅक्स मागे घेण्यात येईल, असे म्हणत देवेंद्र फडणवीस यांची विधान परिषदेत ईलेक्ट्रिक वाहने टॅक्स फ्री करण्याचे सूतोवाच केले. शासनाची आणि सर्व मंत्र्यांची वाहने इलेक्ट्रिक असतील, अशी घोषणाही त्यांनी केली.
पिंपरी चिंचवड वाहतूक कोंडीवर पर्याय
पिंपरी चिंचवडमधील वाहतूक कोंडीवर उपाय म्हणून 2500 ईव्ही BUS घेण्याचा सरकारचा विचार आहे. तसेच, मेट्रो आणि बसेसच्या माध्यमातून वाहतूक कोंडीवर नियंत्रण मिळवलं जाईल, असेही मुख्यमंत्र्‍यांनी सभागृहात सांगितले. पिंपरी चिंचवड येथे EV वाहनांची संख्या वाढत आहे, टु-व्हिलरही आता EV बाईक्स विकल्या जात आहेत. ई-चार्जिंग चे इन्फ्रा स्ट्रक्चर जाळे तयार करत आहोत.अशी माहिती मुख्यमंत्र्‍यांनी सभागृहात दिली.
