ॲड असीम सरोदे यांची सनद रद्द; बार कौन्सिलचा मोठा निर्णय!
पुणे : पुण्यातील प्रसिद्ध विधीतज्ञ अँड. असीम सरोदे यांची वकिलीची सनद तीन महिन्यासाठी रद्द करण्यात आली आहे. महाराष्ट्र आणि गोवा बार कौन्सिलने सोमवार ( 3 नोव्हेंबर) हा निर्णय घेतला .असीम सरोदे यांनी एका सार्वजनिक कार्यक्रमात न्यायव्यवस्था ,राज्यपाल आणि विधानसभा अध्यक्ष यांच्या संदर्भात आक्षेपार्ह वक्तव्य केले होते .त्यामुळे आशिम सरोदे यांच्यावर ही कारवाई करण्यात आली . ॲड. विवेकानंद घाडगे यांच्या अध्यक्षतेखालील समितीने हे निर्देश दिले आहेत .
सरोदे यांनी एका सार्वजनिक कार्यक्रमात न्यायव्यवस्था ,राज्यपाल आणि विधानसभा अध्यक्ष यांच्या संदर्भात काही वादग्रस्त वक्तव्य केली होती. त्यांच्या वक्तव्यामुळे न्यायव्यवस्थेचा अपमान झाला आणि न्यायालयाविषयी अविश्वास निर्माण झाल्याची तक्रार एका तक्रारदाराने केली होती .अशीम सरोदेंचे वक्तव्य अशोभनीय गैरजबाबदार व बदनामी कारक असल्याचे नमूद करून बार कौन्सिल कडे तक्रार दाखल करण्यात आली होती. .तक्रारदाराने 19 मार्च 2024 रोजी सरोदे यांना लेखी माफी मागण्याची संधी दिली. पण त्यांनी ती नाकारली .ॲड. विवेकानंद घाडगे यांच्या अध्यक्षतेखालील समितीने आशिम सरोदे यांच्या भाषणाचे ट्रान्स स्क्रिप्ट आणि व्हिडिओ क्लिप पाहिल्या, व्हिडिओमध्ये स्पष्टपणे म्हणताना दिसत आहेत की ,राज्यपाल फालतू आहेत व न्यायालय सरकारच्या दबावाखाली आहे. अशा विधानामुळे नागरिकांमध्ये न्यायालयाबद्दल अविश्वास निर्माण होतो .न्यायव्यवस्था आणि संविधानिक पदे यांचा आदर राखणे ही वकिलांची नैतिक आणि कायदेशीर जबाबदारी आहे. न्यायव्यवस्थेसंबंधी संयम आणि सन्मान राखला पाहिजे, असे बार कौन्सिलच्या समितीने म्हटले आहे .
असिम सरोदे हे सर्वोच्च न्यायालयात शिवसेना पक्ष आणि चिन्हाबाबत सुरू असलेल्या सुनावणीत सहभागी असणाऱ्या वकिलांपैकी एक आहेत .मात्र आता त्यांची सनद रद्द झाल्याने त्यांना न्यायालयात युक्तिवाद करता येणार नाही .या महिन्यातच 11 ते 14 नोव्हेंबर रोजी याबाबत सुनावणी आहे.
