पवना धरण सद्यस्थितीमध्ये 83.16 टक्के भरले!
पिंपरी : पवना नदी काठच्या सर्व नागरीकांना सूचित करण्यात येत आहे, की पवना धरण सद्यस्थितीमध्ये 83.16भरलेले आहे. पाणलोट क्षेत्रात पाऊस चालू असून धरणामध्ये मोठा येवा प्राप्त होत आहे.
धरणातील पाणीसाठा नियंत्रित करणेकरिता सकाळी 11:00 वाजता सांडव्यावरून नदीपात्रामध्ये नियंत्रित पद्धतीने 1400 क्युसेक्स विसर्ग करण्यात आला आहे अशी माहिती खडकवासला पाटबंधारे विभागाच्या वतीने पत्रकाद्वारे दिली आहे.
पाणलोट क्षेत्रात पावसाचे प्रमाण वाढत असून धरणातील पाणी साठ्यात वाढ होत असल्याने धरणातून नदीपात्रात होणारा विसर्ग पुन्हा कमी किंवा जास्त केला जाऊ शकतो याची नोंद घ्यावी असे म्हटले आहे.
तरी पवना नदी काठच्या सर्व नागरीकांना सूचित करण्यात येते की, कोणीही नदीपात्रात उतरू नये. नदी मधील पाण्याचे पंप, नदी काठचे शेती अवजारे व तत्सम साहित्य अथवा जनावरे असल्यास ती तात्काळ सुरक्षित ठिकाणी हलविण्यात यावित. सखल भागातील संबंधित नागरिकांना सूचना देण्यात याव्यात, सर्वांनी योग्य ती खबरदारी व दक्षता घेत जलसंपदा विभागास व प्रशासनास सहकार्य करावे असे आवाहन करण्यात आले आहे.
